Kodi EPP për domainin .al

Çfarë është kodi EPP

Kodi EPP është një kod autorizimi që lidhet me një domain të caktuar. Në varësi të regjistrarit, mund ta gjeni me emra të ndryshëm: kodi EPP, AUTH code, kodi i autorizimit ose çelës transferimi. Të gjithë i referohen të njëjtës gjë.

Roli i tij është i thjeshtë: provon që ai që kërkon transferimin e domainit ka autorizimin e mbajtësit. Pa këtë kod, domaini .al nuk mund të kalojë te një regjistrar tjetër. Prandaj kodi EPP është, në praktikë, çelësi i domainit tuaj.

Kur ju duhet kodi EPP

Kodi EPP përdoret për transferimin e domainit .al nga një regjistrar te një tjetër. Ju duhet në dy situata:

• Doni ta sillni domainin te UpFlare. Kodin e kërkoni te regjistrari aktual. Ai është i detyruar t'jua japë. Pastaj e vendosni gjatë porosisë së transferimit te UpFlare.
• Doni ta largoni domainin nga UpFlare. Kodin e kërkoni te ne dhe ia jepni regjistrarit të ri.

Kodi EPP nuk nevojitet për të ndryshuar DNS-in, për të rinovuar domainin ose për të përditësuar të dhënat e kontaktit. Për ndryshimin e mbajtësit ligjor, shihni udhëzuesin për ndryshimin e pronarit.

Si ta kërkoni kodin EPP te UpFlare

Te UpFlare, kodi EPP për domainet .al kërkohet përmes suportit, që kodi t'i jepet vetëm personit të autorizuar. Hapat:

1. Hyni në panelin e klientit dhe hapni domainin.
2. Shtypni butonin për kërkimin e kodit EPP (Kërko kodin EPP). Ai hap automatikisht një tiket suporti për atë domain.
3. Si alternativë, mund të hapni direkt një tiket dhe të shkruani emrin e domainit.
4. Ekipi verifikon kërkesën dhe ju dërgon kodin përmes tiketit.

Sigurohuni që email-i i regjistruesit të jetë i saktë dhe i aksesueshëm, sepse konfirmimet e transferimit dërgohen aty.

Afati 24-orësh

Sipas rregullores, kodi i autorizimit për domainet .al duhet të përdoret brenda 24 orësh nga momenti i lëshimit. Kjo do të thotë që duhet ta kërkoni vetëm kur jeni gati të nisni transferimin:

• Kini gati llogarinë te regjistrari i ri dhe porosinë e transferimit përpara se të kërkoni kodin.
• Nëse kodi skadon pa u përdorur, mjafton ta kërkoni sërish.
• Nëse domaini është afër skadimit, rinovojeni përpara transferimit për siguri. Shihni edhe skadimi i domainit .al.

Mbajeni kodin privat

Kushdo që ka kodin EPP mund të përpiqet të nisë transferimin e domainit tuaj. Prandaj trajtojeni si një fjalëkalim:

• Mos e publikoni dhe mos e dërgoni te persona që nuk i njihni.
• Jepjani vetëm regjistrarit të ri ose personit që po kryen transferimin në emrin tuaj.
• Nëse dyshoni se kodi ka rënë në duar të gabuara, kontaktoni menjëherë suportin.
• Mos iu besoni mesazheve që ju kërkojnë kodin në emër të AKEP-it ose të ndonjë regjistrari pa e kërkuar ju transferimin.

Gabimet më të zakonshme

• Kodi ka skaduar: kërkojeni sërish, afati është 24 orë.
• Domaini është i bllokuar: hiqni bllokimin (registrar lock) te regjistrari aktual.
• Email i vjetëruar: përditësoni kontaktin para se të nisni.
• Domain afër skadimit: rinovojeni përpara transferimit.

Pyetje të shpeshta