FAQ
Pyetje të shpeshta
Përgjigje të shkurtra për çështjet që na pyeten më shpesh rreth regjistrimit dhe menaxhimit të domaineve .al.
12 përgjigje
Përditësuar 2026
Suport 24/7
Sa kushton një domain .al?
Regjistrimi i një domaini .al kushton €8.99 në vit. Ekstensionet .com.al, .net.al dhe .org.al kushtojnë €9.99 në vit. Çmimet nuk përfshijnë TVSH-në dhe rinovimi bëhet me të njëjtin çmim.
Sa zgjat regjistrimi i një domaini .al?
Pas plotësimit të porosisë dhe dërgimit të dokumenteve, aplikimi kalon për verifikim te AKEP. Në praktikë aprovimi kryhet brenda 1–3 ditësh pune, në varësi të plotësisë së dokumentacionit.
A mund të regjistrojë një i huaj një domain .al?
Po. Personat fizikë dhe subjektet e huaja mund të regjistrojnë domain .al, por duhet të paraqesin dokumentacionin identifikues të kërkuar dhe të plotësojnë kushtet e rregullores së AKEP.
Cilat dokumente nevojiten?
Për persona fizikë kërkohet dokument identifikimi. Për persona juridikë kërkohet ekstrakti i QKB-së ose dokument i barasvlershëm regjistrimi. Detajet i gjeni te faqja Dokumentet e nevojshme.
A mund ta transferoj domainin tim .al tek UpFlare?
Po. Ju duhet kodi i autorizimit (EPP / AUTH Code) nga regjistrari aktual. Kodi duhet përdorur brenda 24 orësh nga marrja. Shiko udhëzuesin e transferimit.
Çfarë ndodh nëse nuk e përdor domainin?
Sipas rregullores, nëse domaini .al nuk vihet në përdorim për një periudhë 1-vjeçare nga data e regjistrimit ose rinovimit, ai mund të kalojë në gjendje të lirë dhe të regjistrohet nga dikush tjetër.
A bëhet kthim parash?
Blerja e domainit është shërbim që aprovohet nga AKEP. Nëse domaini aprovohet, kthimi i parave nuk bëhet. Nëse aplikimi nuk aprovohet nga AKEP, pagesa juaj kthehet.
Për sa vite mund ta regjistroj një domain .al?
Domainet .al mund të regjistrohen dhe rinovohen për periudha nga 1 deri në 10 vjet. Rinovimi i shumëvjeçar ndihmon që domaini të mos skadojë nga harresa.
A përfshihet DNS-i dhe menaxhimi i zonës?
Po. Çdo domain i regjistruar te UpFlare vjen me DNS të menaxhuar pa kosto shtesë, me mundësi për rekorde A, AAAA, CNAME, MX, TXT, SRV dhe CAA nga paneli i klientit.
A mund të përdor domainin .al me hosting tjetër?
Po. Mjafton të vendosni nameserverët e ofruesit tuaj te paneli. Shiko udhëzuesin DNS & Nameserver.
Çfarë është WHOIS dhe a shfaqen të dhënat e mia?
WHOIS është regjistri publik i informacionit të domainit. Për .al shfaqet informacion i kufizuar sipas rregullave të AKEP dhe legjislacionit për mbrojtjen e të dhënave personale. Më shumë te WHOIS .al.
A mund të regjistroj një emër që përkon me një markë të regjistruar?
Jo. Emrat e markave dhe patentave të miratuara, që përkojnë saktësisht me një emër domaini nën .al, përbëjnë emra të rezervuar për poseduesin e markës dhe nuk mund të regjistrohen nga askush tjetër.
Nuk gjete përgjigjen?
Ekipi ynë përgjigjet në shqip, 24/7.